وجبات البرطمان: حل عملي وسريع يناسب يومك

لم تعد فكرة تناول الطعام داخل برطمان أمرًا غريبًا أو عابرًا، بل أصبحت خيارًا ذكيًا ومريحًا، خاصة في ظل زحمة اليوم وسرعة الإيقاع. سواء كنتِ في طريقك للعمل، داخل المكتب، أو حتى في طريق سفر، بإمكانك تحضير وجبة مغذية كاملة داخل برطمان زجاجي تحتفظ بنكهتها وجودتها لساعات طويلة، دون الحاجة لتسخين أو تحضير وقت الأكل.

الميزة الأهم في وجبات البرطمان أنها بتجمع بين البساطة، والطعم اللذيذ، والتنوع الكبير، وده بيخليها بديل ممتاز عن الوجبات الجاهزة أو السناكس غير الصحية. لو بتدوري على أفكار سهلة وسريعة، موقع “Chefalli” بيقدملك أفكار متنوعة تناسب كل الأذواق.

1- برطمان سلطة المكرونة بالخضار:

لو بتحبي الأكلات الخفيفة والمشبعة، برطمان سلطة المكرونة اختيار مثالي ليوم شغل طويل.

المكونات:

نصف كوب مكرونة مسلوقة – طماطم مقطعة – نصف فلفل ألوان – ربع كوب حمص – خيار مكعبات – زيتون مخلي – جبنة شيدر أو موزاريلا

الدريسنج: ملعقة خل – نصف ملعقة ملح – بابريكا – ليمون – رشة كمون

طريقة التحضير:

ابدئي بوضع الدريسنج في قاع البرطمان، بعدها ضيفي المكونات واحدة تلو الأخرى من غير خلط. وقت الأكل، رجّي البرطمان كويس واستمتعي بوجبة متكاملة في أي مكان.

2- برطمان دجاج مشوي بالخضروات

وجبة غنية بالبروتين ومناسبة جدًا للي بيدور على أكلة تشبع ومتتزودش سعرات.

المكونات: نصف صدر دجاج مشوي – مشروم – طماطم – ذرة – خيار – زيتون

الطريقة:

بنفس الترتيب، بنبدأ بالدرسنج في القاع، ونرص المكونات واحدة وراء التانية، مع الحرص على وضع الدجاج في المنتصف علشان يحافظ على طراوته لوقت الأكل.

3- برطمان سلطة الفواكه بالزبادي

وجبة خفيفة ومليانة طاقة، مثالية للإفطار أو كسناك بين الوجبات.

المكونات: برتقال – عنب – فراولة – شريحة أناناس – زبادي

التحضير:

رصي الفواكه طبقات، ويفضل تضيفي الزبادي أو العسل كطبقة أخيرة، واخلطيهم بس قبل الأكل مباشرة علشان الطعم يفضل فريش.

في النهاية

لو بتدوري على حل سريع، صحي، وشهي، وجبات البرطمان هتكون اختيار ذكي. كل اللي هتحتاجيه برطمان زجاجي نظيف، شوية مكونات، وأفكار مبتكرة. وعلشان تبدأي، اختاري الوصفة اللي تناسب ذوقك واعمليها بطريقتك الخاصة.